Um­deildur öryggis­vörður fær stuðning frá Haaland

Málið varð að miklu fjölmiðlafári í Noregi enda mikil áhugi á giftingu fyrirliða norska fótboltalandsliðsins sem er jafnframt fyrirliði enska stórliðsins Arsenal.

Norska stórstjarnan Erling Braut Haaland hefur nú komið Geir Ellefsen til varnar en þeir þekkjast vel frá tíma Haaland með norska landsliðinu.

„Svalasti og umhyggjusamasti einstaklingur sem ég hef hitt á eftir móður minni,“ skrifaði Erling Braut Haaland á samfélagsmiðla sína. Hann birti með mynd af sér að halda utan um Ellefsen.

Martin Ödegaard og Helene Spilling Ödegaard giftu sig í Gjerdrum kirkju um síðustu helgi. Ellefsen er öryggisverður norska landsliðsins og fékk það hlutverk að sjá um öryggismálin í brúðkaupinu.

Þangað vildu margir komast og margir líka ná góðum myndum enda áhuginn mikill meðal norsku þjóðarinnar. Sumir gengur aðeins of langt að mati Ellefsen og hann tók fast á mönnum.

Meðferð Ellefsen á ljósmyndara í brúðkaupinu komst nefnilega í fréttirnar því Ellefsen lét henda honum út úr brúðkaupinu með harðri hendi.

Ljósmyndarinn var frá Dagbladet og norska blaðið hefur kvartað undan öryggisverðinum. Þeir halda því fram að það sjáist á ljósmyndaranum eftir þessa hörðu meðferð og vilja væntanlega bætur. Í það minnsta afsökunarbeiðni.