Hiti nær 22 stigum fyrir austan

Suðlæg átt 8-13 m/s og þykknar upp á sunnan- og vestanverðu landinu. Á sunnan- og vestanverðu landinu hvessir aðeins meira en fer að rigna undir kvöld. Á Snæfellsnesi og við fjöll á Vesturlandi má búast við sunnanstrekkingi og snörpum vindhviðum, sem geta verið varasamir ökutækjum sem taka á sig mikið vind. Gular viðvaranir hafa verið gefnar út vegna þess. Þetta kemur fram í hugleiðingum veðurfræðings á Veðurstofu Íslands.

Á morgun verður sunnan og suðvestan 5-10 m/s. Dálítil rigning eða súld og hiti 8 til 13 stig á vestanverðu landinu, en þurrt að kalla og hiti 15 til 21 stig austantil. Bætir heldur í úrkomu suðvestantil um kvöldið.

Á miðvikudag gera spár ráð fyrir suðlægum áttum. Rigning og súld víða um land, en úrkomulítið á Austurlandi. Hiti breytist lítið.

Veðurhorfur næstu daga

Á þriðjudag:

Suðvestlæg átt 5-10 m/s og dálítil rigning eða súld, en þurrt að kalla fyrir austan. Hiti 12 til 20 stig, hlýjast austantil.

Á miðvikudag:

Suðvestan 5-10 og rigning eða súld með köflum, en úrkomulítið austanlands. Hiti breytist lítið.

Á fimmtudag:

Suðlæg átt 3-8 og dálítil rigning öðru hvoru, en úrkomulítið fyrir austan. Hiti 11 til 18 stig, hlýjast norðaustanlands.

Á föstudag og laugardag:

Suðlægar eða breytileg áttir, víða vætusamt og milt veður.

Á sunnudag:

Útlit fyrir suðaustlæga átt. Rigning og hiti 12 til 17 stig, en bjart og heldur hlýrra norðaustanlands.