Innlent

Blámóða vofir yfir Vest­fjörðum og Skaga­firði

Agnar Már Másson skrifar
Frá Ísafirði.
Frá Ísafirði. Aðsend

Mengun frá eldgosinu sem stendur yfir á Reykjanesskaga hefur náð alla leið til Vestfjarða og hugsanlega líka í Skagafjörð. Myndir þaðan sýna hvernig dökkblátt mengunarský vofir yfir landslaginu.

Suðaustlæg átt hefur stefnt mengun frá eldgosinu alla leið vestur á firði til Ísafjarðar. Fréttastofa fékk sendar myndir frá Ísafirði þar sem þykk þoka hylur fjallstindana í firðinum. 

Pétur Már Pétursson, vegfarandinn sem sendi myndirnar, segir að himininn líti eins út á  Patreksfirði.

Virkni í eldgosinu við Sundhnúk hefur að mestu dregist saman en það hefur nú staðið yfir í um sextán tíma.

Mengun leggur yfir Ísafjörð.Aðsend

Frá Ísafjarðarhöfn.Aðsend

Fréttastofu hafa einnig borist myndir af blámóðu úr Skagafirði sem er væntanlega einnig frá gosinu. Aftur á móti sýna mælar á Akureyri mikla svifryksmengun — og mjög slæm loftgæði — sem gæti einnig verið skýringin á blámóðunni á Skagafirði.

Aftur á móti er norðvestlæg átt nálægt Ströndum sem gæti hafa hrint einhverri gosmengun í Skagafjörðinn.

Í Unadal í Skagafirði er blámóða yfir öllu. Hér er horft til botns Unadals, sem er 14 kílómetra langur og Unadalsjökull sést á venjulegum degi. Ekki núna.Aðsend
Hér er horft til sjávar, að Hofsósi, fimm kílómetra leið og yfir Skagafjörð. Tindastóll ætti að sjást handan fjarða en það gerir hann ekki.Aðsend
Eldgos og jarðhræringar Eldgos á Reykjanesskaga Loftgæði

Mest lesið


Fleiri fréttir

Sjá meira


×

Mest lesið