Icewear styrkir Þjóð­há­tíð

Líkt og í fyrra þá hannaði Icewear sérstakan FESTIVAL fatnað og varning fyrir Þjóðhátíð. Þjóðhátíðarvarningurinn innifelur meðal annars hettupeysur, langerma boli og húfur ásamt fleiri fylgihlutum sem eru sér merktir Þjóðhátíð og er ómissandi fyrir gleðina í Dalnum og skapar um leið góðar minningar um hátíðina.

Vörurnar koma í takmörkuðu magni og eru seldar í völdum verslunum bæði á höfuðborgarsvæðinu og á landsbyggðinni og í vefverslun Icewear. Einnig verða vörurnar seldar á Þjóðhátíð bæði í verslun Icewear í Eyjum og í pop-up verslun Icewear í Dalnum.

Útivist fyrir alla

Icewear býður upp á mikið úrval af regn – og skelfatnaði og í sumar bættust við nýir og skemmtilegir litir sem henta fullkomlega á Þjóðhátíð eða í ferðalögin og aðrar hátíðir víðsvegar um landið, sama hvernig viðrar. Icewear leggur ávalt áherslu á að bjóða sanngjarnt verð og mikið úrval og með því stuðla að aukinni útivist fyrir sem flesta. Allir ættu því að finna eitthvað við sitt hæfi hvert sem ferðinni er heitið af því mikla úrvali sem í boði er af útivistarfatnaði, hvort sem það er skelfatnaður, hlýr undirfatnaður eða aðrir fylgihlutir.

Íslensk hönnun fyrir íslenskt verðurfar

Rakel Rut Ingibjargardóttir, yfirhönnuður Icewear og eyjamær, hannaði Þjóðhátíðarvörurnar líkt og síðasta ár ásamt hönnunarteymi Icewear.

„Hugsunin á bak við hönnunina í ár er liðsheildin og hvernig við stöndum saman sem eitt lið,það var svona það sem kom efst upp í hugann þegar farið var í það að hanna fatnaðinn í ár. Einnig tókum við þátt í að útbúa svokölluð fyrirliðabönd sem styðja við forvarnarverkefni ÍBV gegn ofbeldi. Verkefnið ber heitið „Er allt í lagi?“ þar sem skilaboðin eru einföld og skýr og til þess ætluð að minna okkur á að gæta að okkur sjálfum og að hvort öðru með því að spyrja „er allt í lagi“ en allir sem koma fram á stóra sviðinu ásamt gæslu og starfsmönnum Þjóðhátíðar munu bera böndin á hátíðinni. Auk þess er verið að endurvekja búningakeppnina sem er mjög skemmtilegt. Eflaust munu margir hópar setja saman litríka búninga og þá bjóðum við aldeilis upp á margt sem nýtist þar,“ segir Rakel Rut.

„Er allt í lagi“ og skemmtum okkur vel saman

Það er mikilvægt að vera vel búin í útivist í íslensku veðurfari til þess að njóta þess sem best að skemmta sér í góðum félagsskap. Það er ekki síður mikilvægt að við pössum vel upp á hvert annað eins og Þjóðhátíðarnefnd leggur ávallt mikla áherslu á. Þess vegna tekur Icewear þátt í forvarnarverkefni sem gengur út á að við pössum vel upp á hvert annað en fyrirliðaböndin „Er allt í lagi?“ verða til sölu í Dalnum, hjá Herjólfi og í verslun Icewear.

„Þjóðhátíðarnefnd vill stuðla að náungakærleik í dalnum. Ef einhver er óviss þá á að spyrja, „er allt í lagi?“ Spyrjum oftar en sjaldnar. Fylgjumst með hvort öðru og verum góð við hvort annað. Þjóðhátíðarnefnd er einstaklega ánægð með samstarfið við Icewear í þessu mikilvæga verkefni. Það hjálpar okkur mikið að hafa jafn sterkan aðila og Icewear í þessu með okkur. Fyrirtæki sem lætur sig hlutina varða og framkvæmir,“ segir Ellert Scheving Pálsson, framkvæmdastjóri ÍBV.

Markmið Icewear er að stuðla að almennri útivist og þar með að aukinni vellíðan enda eru kjörorð Icewear „Þín útivist þín ánægja“ vel við hæfi á Þjóðhátíð.

Logi Páll og Ingi Bauer skelltu í hressilegt Icewear lag sem heitir Ég sver (feat.Dr. Foootball). Lag sem kemur öllum í Þjóðhátíðargírinn!