Haukur Þrastar byrjar mjög vel með Ljónunum

Haukur kom til Löwen í sumar frá rúmenska félaginu Dinamo Búkarest en hann hóf atvinnumannaferil sinn í Pólland.

Nú fékk hann fyrst kynni af þýsku deildinni og það var ekki hægt að krafta mikið yfir frammistöðu hans í kvöld.

Haukur fór fyrir sínu liði í tveggja marka útisigri í Íslendingaslag á móti Melsungen, 29-27.

Löwen var einu marki undir í hálfleik, 14-13, en vann seinni hálfleikinn 16-13.

Löwen náði fjögurra marka forystu en heimamenn í Melsungen minnkuðu muninn í eitt mark í lokin. Ljónin áttu síðasta orðið og tryggðu sér góðan útisigur.

Haukur átti þátt í ellefu mörkum, skoraði átta mörk úr tólf skotum sjálfur og átti einnig þrjár stoðsendingar. Sannkölluð draumabyrjun hjá okkar manni.

Haukur var markahæstur og næststoðsendingahæstur í sínu liði.

Arnar Freyr Arnarsson lék með Melsungen en félagið missti Elvar Örn Jónsson til Magdeburg í suamr.

Arnar Freyr nýtti færin sín vel og var með fjögur mörk úr fjórum skotum.