Bein út­sending: Minningar­at­höfn Charli­e Kirk

Charlie Kirk var skotinn til bana 10. september síðastliðinn á viðburði á vegum samtaka sinna Turning point USA, þar sem hann ræddi við háskólanemendur í Utah.

Formleg dagskrá minningarathafnarinnar hefst klukkan 18 að íslenskum tíma, en þangað til er verið að spila kristna rokktónlist á meðan leikvangurinn fyllist af fólki.

Leikvangurinn er smekkfullur af fólki og fólk er tekið að safnast saman fyrir utan hann og í kring. Lögregluyfirvöld búast við að gestirnir verði allt að tvö hundruð þúsund.

Donald Trump er á leið á svæðið, en hann sagði við fréttamenn fyrr í dag að dagurinn í dag verði erfiður. JD Vance varaforseti verður einnig á staðnum, ásamt Marco Rubio utanríkisráðherra, Pete Hegseth stríðsmálaráðherra og Eriku Kirk, ekkju Charlie, sem hefur tekið við stjórnartaumunum hjá samtökum Charlie.

Trump hefur sagt Kirk hafa spilað lykilhlutverk í endurkjöri hans í embætti forseta árið 2024, en Kirk, sem var gríðarlega vinsæll íhaldssamur áhrifavaldu, var yfirlýstur stuðningsmaður hans.