Ís­lensk kjöt­súpa eins og hún gerist best

Súpan er einföld en krefst smá undirbúnings, og gott er að leyfa henni að malla í rólegan tíma svo bragðið komi sem best fram. Uppskriftin hér að neðan er frekar stór og tilvalin til að bjóða góðum gestum eða geyma fyrir vikuna – hún verður oft enn betri daginn eftir.

Klassísk íslensk kjötsúpa

Hráefni:

• 2,5 kg súpukjöt
• 4 l. vatn
• 1 stór rófa
• 6 gulrætur
• 10 kartöflur
• 1½ dl hrísgrjón
• 2-3 tsk salt
• 1 tsk pipar
• 1 tsk steinselja (má sleppa),
• Toro kjötsúpupakki

Aðferð:

1. Setjið kjótið í stóran pott ásamt vatni. Leyfið suðunni að koma upp, lækkið hitann og látið sjóða í um 30 mínútur.
2. Á meðan er gott að skera niður grænmetið. Mér finnst best að skera það gróft, en þó þannig að bitarnir séu í hæfilegum munnbita.
3. Takið kjötið upp úr pottinum og bætið grænmetinu út í soðið. Skerið kjötið frá beinunum og mesta fituna, og setjið það aftur út í pottinn.
4. Bætið út í einum pakka af Toro kjötsúpu, hrísgrjónum, salti, pipar og saxaðri steinselju.
5. Látið súpuna krauma í 30 mínútur eða lengur. Þá er gott að smakka súpuna til.