Diljá og fé­lagar náðu ekki að snúa við blaðinu

Hammarby verður því í pottinum með Breiðabliki þegar dregið verður í sextán liða úrslitin á morgun.

Hammarby var í frábærum málum fyrir leikinn eftir 4-1 sigur í fyrri leiknum í Svíþjóð.

Þetta byrjaði vel fyrir Brann því Brenna Lovera, fyrrum leikmaður Selfoss á Íslandi, kom liðinu yfir á 36. mínútu.

Brann náði ekki að bæta við mörkum og Julie Blakstad jafnaði metin fyrir sænska liðið á 68. mínútu.

Það urðu lokatölurnar og Hammarby vann því samanlagt 5-2.

Íslenska landsliðskonan Diljá Ýr Zomers byrjaði á bekknum hjá Brann en kom inn á sem varamaður á 78. mínútu.