Í­trekar hótanir sínar og hvetur í­búa til að kjósa Cuomo

Mamdani hefur verið að mælast með yfir tíu prósent forskot á Andrew Cuomo, fyrrverandi ríkisstjóra, sem fer fram sem óháður. Þá kemur Repúblikaninn Curtis Sliwa nokkuð langt þar á eftir, með í kringum 15 prósent stuðning.

Donald Trump Bandaríkjaforseti ítrekaði hótanir sínar gegn Mamdani og stuðningsmönnum hans í gærkvöldi og sagðist ekki myndu láta nema lágmarks upphæðir af opinberu fé renna til New York ef „kommúnistinn“ Mamdani yrði borgarstjóri.

Annað væri enda að kasta fé á glæ.

Í færslu á Truth Social sagði Repúblikaninn Trump einnig að atkvæði til handa flokksbróður sínum, Sliwa, væri atkvæði í þágu Mamdani, og hvatti stuðningsmenn sína til að velja heldur Cuomo, sem laut í lægra haldi fyrir Mamdani í forvali Demókrataflokksins.

Ef marka má skoðanakannanir er það í raun eina leið Repúblikana til að koma í veg fyrir sigur Mamdani, það er að segja að kjósa Cuomo í stað Sliwa.