Bæta við gulri við­vörun á Vest­fjörðum og mið­há­lendi

Í viðvörun kemur fram að það megi búast við norðaustan 15 til 23 metrum á sekúndu, með hviðum upp í 35 metra á sekúndu. Það verður hvassast á fjallvegum og varasamt fyrir ökutæki sem taka á sig mikinn vind.

Viðvörun á Suðurlandi gildir til klukkan 20 í kvöld en til klukkan 14 á morgun á Suðausturlandi. Á Suðurlandi segir að hvassast verði undir Eyjufjöllum austur í Mýrdal og á Suðausturlandi verði líklega hvassast í Öræfum þar sem hviður geti orðið 35 til 40 metrar á sekúndu.

Á miðhálendi má búast við norðaustan 20 til 28 metrum á sekúndu, með hviðum upp í 45 metra á sekúndu, hvassast við fjöll. Þá er einnig spáð snjókomu og skafrenningi. Fólki er bent á að sýna varkárni og fylgjast með veðurspám.