Sunderland vann nágrannaslaginn fyrir norðan

Sunderland hefur ekki tapað á heimavelli hingað til á tímabilinu og ætlaði sér alls ekki að gera það í fyrsta sinn gegn nágrönnunum frá Newcastle. Leikurinn var frekar lokaður og fá færi litu dagsins ljós.

Eina mark leiksins var sjálfsmark sem Nick Woltemade skoraði óvart og tryggði Sunderland sigurinn.

Undir lokin lagði Newcastle allt í sölurnar en tókst ekki að skapa sér nógu gott færi til að setja jöfnunarmarkið.

Sunderland komst með þessum sigri upp að hlið Liverpool og Crystal Palace en þau þrjú eru jöfn að stigum með 26 stig eftir 16 umferðir.