Ekkert bit í snáknum: „Hörmu­legur og ætti að hætta“

Vera má að allt bit sé úr snáknum Wright sem vekur gjarnan athygli fyrir skautlegt útlit og marglita hanakamba er hann mætir til leiks á HM í pílukasti. Skotinn varð heimsmeistari 2020 og 2022 en hallast hefur á ógæfuhliðina síðan.

Hann vann aðeins tvær viðureignir í úrvalsdeildinni í pílu í ár og féll úr leik í 32 manna úrslitum á HM í fyrradag þegar hann tapaði sannfærandi 3-0 fyrir Þjóðverjum Arno Merk.

Van Gerwen vann sama dag 3-1 sigur á Íranum Michael O'Connor og komst þannig áfram í 3. umferð mótsins sem fer af stað á þriðja degi jóla.

Eftir keppnina var hann spurður út í Wright, sem hafði skotið á van Gerwen á dögunum, og var Hollendingurinn ómyrkur í máli.

„Það kom mér alls ekki á óvart að hann hafi fallið úr keppni. Hann hefur spilað hörmulega undanfarið og ég held það sé kominn tími á að hann hætti,“ sagði van Gerwen.

Ummælin má sjá í spilaranum.

HM í pílukasti fer aftur af stað þann 27. desember. Þrjár viðureignir fara fram frá hádegi fram á síðdegið og þrjár á kvöldin.

Allt verður það í beinni útsendingu á Sýn Sport Viaplay, klukkan 12:25 og 18:55, daglega frá 27. desember til 3. janúar.