Tíu látnir eftir sprengingu í sviss­neskum skíða­bæ

Svissneska blaðið Blick segir frá því að mikill eldur hafi blossað upp í kjölfar sprengingar um klukkan 1:30 að staðartíma á barnum Le Constellation Bar and Lounge.

Crans-Montana er að finna í kantónunni Valais í suðvesturhluta landsins og er vinsæll áfangastaður skíðafólks í Ölpunum.

Sky News greinir frá því að lögregla í Sviss hafi staðfest í morgun að tíu væru látnir og að minnsta kosti tíu til viðbótar hafi slasast.

Blick segir frá því að um hundrað manns hafi verið inni á barnum þegar sprengingin varð. Þar segir að grunur sé um að sprengingin hafi orsakast af flugeldum sem hafi verið notaðir á tónleikum inni á staðið. Lögregla hefur hafið rannsókn á málinu og að það sé ekki rannsakað sem hryðjuverk.