Pytlick: „Ís­land átti meira skilið í kvöld“

„Við byrjuðum leikinn svolítið illa og fengum tvær tveggja mínútna brottvísanir og það var dálítið erfitt þegar maður spilar á móti Íslandi,“ sagði Pytlic í viðtali við heimasíðu EHF eftir leikinn.

„Við verðum bara að taka ofan fyrir íslenska liðinu því þeir hafa spilað virkilega vel á þessu móti en það er erfitt að spila hér í Boxen-höllinni á móti okkur,“ sagði Pytlic

„Margir af línumönnunum okkar voru ekki með og Simon Hald var farinn út af í hálfleik meiddur þannig að við þurftum að bjóða upp á nýjar uppstillingar í varnarleiknum,“ sagði Pytlic

„Ísland er að mínu mati eitt af bestu liðunum í mótinu. Ísland átti meira skilið í kvöld en við erum virkilega ánægðir með sigurinn í dag,“ sagði Pytlic.

Nú bíður liðsins úrslitaleikur á móti Þjóðverjum.

„Við þurfum að berjast mikið í þeim leik. Margir af okkar leikmönnum eru enn frá, þannig að við þurfum að leggja mikið í þetta. Svo höfum við líka andrúmsloftið hér á bak við okkur og vonandi stöndum við uppi sem sigurvegarar á sunnudaginn,“ sagði Pytlic.