Hélt hreinu á móti Íslandsmeisturunum og stjórnaði sigursöng eftir leik

Þetta var fyrri leikur liðanna og Häcken vann 7-0 sigur. Seinni leikurinn á Kópavogsvelli er því aðeins formsatriði eftir þessi úrslit.

Fanney Inga hélt hreinu gegn löndum sínum og annar íslenskur leikmaður, hin stórefnilega Thelma Karen Pálmadóttir, skoraði eitt af þessum sjö mörkum.

Fanney var kát í leikslok og stjórnaði sigursöng með stuðningsmönnum Häcken eftir leik. Hér fyrir neðan sést hún syngja „Vi är Häcken – gulsvarta Häcken“ eða á íslensku „Við erum lið Häcken, gulsvarta Häcken“.