Fum­laus frum­raun ís­lensku stelpnanna

Hin tvítuga Elín var 65. Í röðinni í brekkuna í morgun og leysti verkefnið taktíkst vel og gerði betur en margar hærra skrifaðar sem fóru á undan henni.

Elín kom í mark á einni mínútu og 10,28 sekúndum, fimmtugasta besta tíma dagsins af 76 keppendum.

Hún var rúmum sjö sekúndum á eftir heimakonunni Federica Brignone frá Ítalíu sem leiðir keppnina fyrir síðari ferð dagsins eftir hádegið.

Sonja Lí fékk óvænt sæti á leikunum í vikunni eftir að hafa verið á varalista Íslands. Hún fetaði í fótspor föður síns, Kristins Magnússonar, sem keppti á leikunum í Salt Lake árið 1998.

Kristinn var staddur í brekkunni í dag en hann þjálfar bæði Elínu og Sonju þar ytra.

Hún renndi sér af stað skömmu á eftir Elínu og fékk örlítið áfall undir lok ferðarinnar þegar hún misreiknaði hæð í brautinni en bjargaði sér frábærlega. Hún komst í mark á 1:12,39, tveimur sekúndum á eftir Elínu, sem dugar Sonju í 54. Sæti fyrir síðari ferðina.

Þær munu því báðar vera í brekkunni þegar síðari ferð dagsins í stórsviginu verður farin um klukkan eitt eftir hádegið.