Fótbolti

Leik frestað hjá Glódísi með nær engum fyrir­vara

Aron Guðmundsson skrifar
Glódís Perla Viggósdóttir með fyrirliðabandið í leik með Bayern Munchen
Glódís Perla Viggósdóttir með fyrirliðabandið í leik með Bayern Munchen Getty/Denis Doyle

Ekkert varð af leik Werder Bremen og ríkjandi Þýskalandsmeistara Bayern Munchen í þýsku úrvalsdeildinni í fótbolta í dag þar sem heimavöllur Werder Bremen var óleikhæfur. 

Það hefur snjóað töluvert á svæðinu í aðdraganda leiksins og var leikhæfi vallarins metið í dag og það ákveðið, aðeins fjörutíu og einni mínútu áður en flauta átti leikinn á, að honum skyldi fresta.

Þetta er annar leikurinn í röð sem þarf að fresta hjá Werder Bremen vegna vallaraðstæðna. Glódís Perla Viggósdóttir er fyrirliði Bayern Munchen en ekki er búið að ákveða nýjan leiktíma á leiknum.

Þýski boltinn

Mest lesið


Fleiri fréttir

Sjá meira


×

Mest lesið