Viðskipti innlent

Þóra og Eva sam­einaðar á ný í Efsta­leitinu

Silja Rún Sigurbjörnsdóttir skrifar
Þóra Björg Clausen var dagskrárstjóri Stöðvar 2 frá 2020 til 2025.
Þóra Björg Clausen var dagskrárstjóri Stöðvar 2 frá 2020 til 2025. Sýn

Þóra Björg Clausen, fyrrverandi dagskrárstjóri Stöðvar 2, hefur tekið við stöðu aðstoðardagskrárstjóra hjá Ríkisútvarpinu. Þar mun hún aftur starfa með Evu Georgs Ásudóttur, dagskrárstjóra Ríkisútvarpsins, en þær unnu áður saman hjá Stöð 2.

„Ég er spennt að taka að mér þetta hlutverk í þennan tíma,“ segir Þóra í samtali við fréttastofu.

Hennar fyrsti dagur var í dag en um er að ræða tímabundna stöðu þar til í lok árs. Þá verður staðan auglýst laus til umsóknar að sögn Þóru. 

Hún segir verkefnin og starfið talsvert frábrugðið fyrra starfi hennar hjá Sýn, sem hét þá Stöð 2. Líkt og kom fram störfuðu Eva, fyrrverandi sjónvarpsstjóri Stöðvar 2, og Þóra náið saman hjá Stöð 2.

Sjá nánar: Þóra kveður Stöð 2

„Við þekkjumst vel og höfum unnið náið saman. Það er gaman að fá tækifæri til að starfa aftur saman. Hún hafði samband við mig og bauð mér að stíga inn tímabundið,“ segir Þóra.

„Þetta var stuttur aðdragandi en ég er mjög spennt að taka við nýju hlutverki.“

Þóra tekur við stöðu Margrétar Jónasdóttur sem lét af störfum um síðustu áramót. Eva var ráðin dagskrárstjóri sjónvarps hjá Rúv fyrir tæpu ári síðan en hún tók við starfinu af Skarphéðni Guðmundssyni.

Ríkisútvarpið Fjölmiðlar Sýn Vistaskipti

Tengdar fréttir

Margrét hættir hjá RÚV um áramótin

Margrét Jónasdóttir, aðstoðardagskrárstjóri hjá RÚV, lætur af störfum um áramótin. Hún hyggst snúa sér aftur að framleiðslustörfum og klára mastersritgerð.

Eva Georgs ráðin dagskrárstjóri sjónvarps hjá RÚV

Eva Georgs Ásudóttir var í dag ráðin í starf dagskrárstjóra sjónvarps RÚV úr hópi 28 umsækjenda. Þetta kemur fram í tilkynningu á vef RÚV. Eva starfaði í tvo áratugi hjá Stöð 2 og síðustu árin sem sjónvarpsstjóri. Intellecta annaðist ráðningarferlið.



Mest lesið


Fleiri fréttir

Sjá meira


×

Mest lesið