Sagðar hafa hætt saman en mætast í úr­slita­leik í kvöld

Caroline Harvey, varnarmaður Bandaríkjanna, og Daryl Watts, sóknarmaður Kanada, eru sagðar hafa verið í ástarsambandi sem endaði á meðan Vetrarólympíuleikunum stóð.

Harvey staðfesti tíðindin í beinu streymi á samfélagsmiðlum, þar sem hún varð spurð hvort hún væri einhleyp og svaraði einfaldlega „Já ég er einhleyp.“

Streyminu var síðan eytt út af samfélagsmiðlum en netverjar voru auðvitað búnir að grípa upptöku af því.

Þær tvær eru líka engir aukaleikarar í sínum liðum. Daryl Watts hefur verið einn besti sóknarmaður mótsins, stigahæst hjá Kanada og Caroline Harvey er stigahæst hjá Bandaríkjunum þrátt fyrir að spila í vörninni.

Liðin mættust í riðlakeppninni og þar unnu Bandaríkin öruggan 5-0 sigur, en Kanadakonur voru án fyrirliðans Marie-Philip Poulin í þeim leik. Hún verður með í kvöld og búast má við hörkuleik milli tveggja besta hokkíþjóða heims.