Sofnaði í aftur­sætinu á leið á Ólympíu­leikana og komst aldrei alla leið

Brasilíska skíðagöngukonan Bruna Moura á eina af þessum sögum. Hún gafst ekki upp þótt það liti út fyrir að örlög hennar væru að keppa aldrei á Ólympíuleikunum.

Þegar Bruna Moura var á leið á Vetrarólympíuleikana í Peking árið 2022 lenti hún í alvarlegu umferðarslysi og missti af leikunum. Fjórum árum síðar rættist Ólympíudraumurinn loksins.

Átti að vera mitt tækifæri

„Ég var glöð að sjá liðsfélögum mínum ganga vel, en það var biturt á sama tíma. Ég vissi jú að þetta hefði í raun átt að vera mitt tækifæri til að vera með á Ólympíuleikunum,“ sagði Bruna Moura þegar hún

2022 átti að vera árið þegar brasilíska skíðagöngukonan fengi loksins stóra draum sinn uppfylltan – að verða Ólympíufari. En bílferðin á leiðinni þangað endaði með harmleik.

„Ég vissi ekki einu sinni sjálf hvernig við beygðum skyndilega og lentum í árekstri,“ sagði Moura við NRK.

Hún hafði sofnað í aftursæti bíls sem átti að flytja hana til München. Áætlunin var að vera þar í nokkra daga áður en flogið yrði áfram til Peking.

En þegar hún vaknaði hafði bíllinn lent í árekstri við flutningabíl. Bílstjórinn sem keyrði bílinn lést samstundis af sárum sínum.

Hefur ekki hugmynd um hvað gerðist

„Ég hef ekki hugmynd um hvað gerðist. Á sama tíma hugsaði ég að einhver hefði dáið vegna þess að ég vildi láta draum rætast,“ sagði Moura.

Svo tók við endurhæfing og fjögur ný ár í leit að Ólympíudraumnum.

„Leiðin hefur verið erfið. Ég myndi aldrei gera þetta aftur,“ sagði þessi 31 árs gamla kona.

Hún lýsir slysinu sem stærstu líkamlegu áskorun lífs síns.

Þurfti að takast á við svo margt

„En líka þeirri erfiðustu andlega, því ég þurfti að takast á við svo margt á sama tíma. Að vissu leyti hafði ég líka samviskubit yfir bílstjóranum sem lést, þótt ég hafi ekki keyrt sjálf,“ sagði Moura.

Moura segir að það hafi tekið langan tíma að skilja og sætta sig við að það hafi ekki verið henni að kenna að bílstjórinn lést.

„Á keppnistímabilunum, þegar ég hef verið að elta þennan Ólympíudraum, hef ég haft hann og fjölskyldu hans í huga. Ég hef aldrei talað við fjölskyldu hans en ég ber þetta enn með mér. Þetta er eitthvað sem mun alltaf fylgja mér,“ sagði Moura.

Þótt það hafi tekið lengri tíma en búist var við missti Moura hvorki vonina né trúna á að hún myndi keppa á Ólympíuleikunum 2026.

Hugsaði um að nú væri hún Ólympíufari

„Ég gat auðvitað ekki spáð fyrir um framtíðina eða verið viss um neitt. En ég vissi að ég væri tilbúin að berjast og ég vissi hversu mikið ég myndi berjast fyrir því að þetta myndi gerast. Það gaf mér sjálfstraust til að trúa því að ég yrði hér í dag,“ sagði Moura.

Brasilíska konan hefur keppt bæði í sprettgöngu og 10 kílómetra göngu. Nú fékk hún loksins að vera með á Ólympíuleikunum.

„Það var frábært. Ég var mjög glöð þegar ég byrjaði. Ég hugsaði að um leið og ég væri búin, væri ég Ólympíufari,“ sagði Moura.