Rann­saka skot­á­rás í Texas sem mögu­legt hryðju­verk

Associated Press hefur greint frá því að árásarmaðurinn hafi verið hinn 53 ára Ndiaga Diagne, sem fluttist frá Senegal til Bandaríkjanna árið 2000. Hann gekk í hjónaband með bandarískri konu sex árum síðar og varð ríkisborgari árið 2013. Hann dvaldi nokkur ár í New York áður en hann fluttist til Texas.

Fréttastofa Fox er sögð hafa mynd undir höndum sem sýnir Diagne halda á riffli, íklæddu bol sem á stendur „Eign Allah“. Þá hefur verið sagt frá því að hann hafi lýst stuðningi við Íran og hatri á stjórnvöldum í Ísrael og Bandaríkjunum.

Lögregla var kölluð til eftir að Diagne hóf að skjóta á fólk fyrir utan barinn Buford's um klukkan tvö aðfaranótt sunnudags, úr bifreið sinni. Lögregla mætti á svæðið um mínútu síðar og skaut Diagne til bana.