Tíma­bilinu lokið og HM úr sögunni hjá Rodrygo

Rodrygo meiddist í leik Real Madrid gegn Getafe í gær og í morgun kom í ljós krossband í hægra hné er slitið.

Ljóst er að Rodrygo leikur ekki meira með Real Madrid á þessu tímabili og þá verður hann ekki með brasilíska landsliðinu á HM í sumar.

Rodrygo, sem hefur leikið með Real Madrid síðan 2019, hefur leikið 26 leiki á þessu tímabili og skorað þrjú mörk.

Real Madrid tapaði fyrir Getafe í gær, 0-1. Þetta var annað tap liðsins í röð í spænsku úrvalsdeildinni en það er fjórum stigum á eftir meisturum Barcelona.

Rodrygo hefur skorað níu mörk í 37 leikjum með brasilíska landsliðinu. Brasilía er í riðli með Marokkó, Haítí og Skotlandi á HM sem hefst 11. júní.