Stjarnan kláraði Ár­mann snemma en Stólarnir stóðu í Kefla­vík

Stjarnan leiddi með sextán stigum eftir fyrsta leikhlutann í heimsókn sinni í Laugardalshöllina. Ármenningar unnu sig síðan inn í leikinn en botnliðinu tókst aldrei að taka forystuna, þrátt fyrir frækna frammistöðu Kylie Savannah Kornegay-Lucas.

Kornegay-Lucas var stigahæst með 34 stig, auk 15 frákasta og 5 stoðsendinga.

Eva Wium Elíasdóttir var stigahæst hjá Stjörnunni með 27 stig, auk 9 frákasta og 6 stoðsendinga. Berglind Katla Hlynsdóttir fylgdi henni eftir með 22 stig.

Keflavík leiddi með aðeins einu stigi eftir spennandi fyrri hálfleik gegn Tindastóli en í seinni hálfleik náðu heimakonur að slíta sig lausa.

Keishana Washington fór þar fremst í flokki. Með 31 stig, 16 fráköst og 5 stoðsendingar. Landsliðskonurnar Anna Ingunn Svansdóttir og Sara Rún Hinriksdóttir skoruðu 15 og 14 stig fyrir Keflavík.

Tapið þýðir að Tindastóll endar í 8. sæti deildarinnar og mætir deildarmeisturunum í fyrstu umferð úrslitakeppninnar. Mögulega verða það Haukarnir sem unnu topplið Njarðvíkur í kvöld, en það kemur í ljós síðar. Keflavík og Stjarnan berjast svo um 6. og 7. sætið, sem mætir 2. og 3. sætinu.