Ráðast á banda­rískt olíu­flutninga­skip en sverja af sér á­rás á Tyrk­land

Yfirvöld vestanhafs hafa ekki tjáð sig um málið.

Íranir hafa sagst hafa fulla stjórn á skipaumferð um Hormuz-sund og að þeir hafi lokað fyrir olíu- og gasflutninga um sundið. Donald Trump Bandaríkjaforseti sagði fyrr í vikunni að hann væri reiðubúinn til þess að senda bandarísk herskip til að fylgja olíuflutningaskipum um sundið.

Stjórnvöld í Íran hafa á sama tíma sent frá sér yfirlýsingu sem greint var frá í írönskum miðlum í morgun, þar sem þau neita því að hafa skotið eldflaugum í átt að Tyrklandi.

Vísir greindi frá því í gær að varnarkerfi Atlantshafsbandalagsins hefðu skotið niður eldflaug, sem tyrkneska varnarmálaráðuneytið sagði að hefði verið skotið frá Íran og í átt að Tyrklandi.