Inn­kalla Ís­land­s­naut hakk og ham­borgara vegna gruns um salmonellu

Innköllunin varðar hún eingöngu best fyrir dagsetningu lotunúmer 102-6-062-02 fyrir ungnautahakk og 064-6-062-04 fyrir hamborgara. Varan hefur verið tekin úr sölu í verslunum samkvæmt tilkynningu. 

Upplýsingar um vöruna:

• Vöruheiti: Íslandsnaut ungnautahakk og Íslandsnaut Smash Style hamborgara (100g)
• Nettómagn: 500g (ungnautahakk) og 100g (hamborgarar)
• Umbúðir: Plastumbúðir og pappi
• Strikamerki: 1569431193005 (ungnautahakk) og 1569431193000 (hamborgarar)
• Best fyrir dagsetning:13/03/2026 og 16/03/2026
• Lotunúmer: 102-6-062-02 (ungnautahakk) og 064-6-062-04 (hamborgarar)
• Geymsluskilyrði: Kælivara 0-4°C
• Framleiðandi: Aðföng/Ferskar kjötvörur, Síðumúla 34
• Dreifing: Verslanir Bónus og Hagkaups

Viðskiptavinum Bónus og Hagkaups sem keypt hafa vöruna er ráðið frá því að neyta hennar og er bent á að þeir geti skilað henni í verslunina þar sem hún var keypt gegn fullri endurgreiðslu.

Í tilkynningu er tekið fram að hakk sem er steikt í gegn er hættulaust. 

„Þegar kjöt er hakkað dreifast örverur um kjötið. Létt steiking drepur því ekki bakteríur sem eru til staðar í kjötinu. Til þess að drepa Salmonellaog aðrar sjúkdómsvaldandi örverur verður að steikja hakk í gegn eða þannig að kjarnahitastig sé a.m.k. 75°C,“ segir í tilkynningunni.

Aðföng biður viðskiptavini Bónus og Hagkaups, sem kunna að hafa orðið fyrir óþægindum vegna þessa, innilegrar afsökunar.

Nánari upplýsingar veitir gæðastjóri Ferskra kjötvara í síma 414-6300 eða í gegnum netfangið gm[at]adfong.is