Sjáðu þrennu þess van­metna, Bodö-gleði, horn í síðu Arsenal og marka­veislu í París

Federico Valverde skoraði öll þrjú mörk Real Madrid í fyrri hálfleik í 3-0 sigri á Manchester City á Bernabéu-leikvanginum.

Kai Havertz tryggði Arsenal 1-1 jafntefli með marki úr vítaspyrnu mínútu fyrir leikslok á gamla heimavelli sínum en Robert Andrich hafði komið Bayer Leverkusen í 1-0 á upphafsmínútu seinni hálfleiksins með skallamarki eftir hornspyrnu. Arsenal hefur skorað mörg mörk eftir hornspyrnur á þessari leiktíð en fengu nú að súpa á eigin meðali.

Khvicha Kvaratskhelia skoraði tvö mörk í lokin þegar Paris Saint-Germain vann 5-1 sigur á Chelsea í París. Hin mörk liðsins skoruðu Bradley Barcola, Ousmane Dembélé og Vitinha.

Chelsea jafnaði tvisvar með mörkum Malo Gusto og Enzo Fernández en Evrópumeistararnir eru í góðum málum eftir að hafa skorað þrjú mörk á síðustu sextán mínútum leiksins.

Sondre Brunstad Fet (víti), Ole Blomberg og Kasper Waarts Högh skoruðu mörk Bodö/Glimt í 3-0 heimasigri á Sporting en þetta var fimmti sigur liðsins í röð í Meistaradeildinni.

Það má sjá mörkin úr leikjunum hér fyrir ofan og neðan.