Gerir hlé á á­rásum á Íran

„ÞAÐ ER MÉR ÁNÆGJA AÐ TILKYNNA AÐ BNADARÍKIN OG ÍRAN HAFA, UNDANFARNA TVÖ DAGA, ÁTT MJÖG GÓÐAR OG ÁRANGURSRÍKAR VIÐRÆÐUR VARÐANDI ALGERA LAUSN Á ÁTÖKUNUM Í MIÐ-AUSTURLÖNDUNUM,“ skrifar Trump á Truth Social. Vert er að taka fram að hann skrifaði færsluna sjálfur í hástöfum.

„BYGGT Á TÓNI OG ANDA ÞESSARA ÍTARLEGU, NÁKVÆMU OG UPPBYGGILEGU VIÐRÆÐNA, SEM MUNU HALDA ÁFRAM ALLA VIKUNA, HEF ÉG GEFIÐ STRÍÐSMÁLARÁÐUNEYTINU [varnarmálaráðuneytinu] FYRIRMÆLI UM AÐ FRESTA ÖLLUM HERNAÐRÁRÁSUM Á ÍRÖNSK ORKUVERK OG ORKUINNVIÐI Í FIMM DAGA.“

Þetta hlé er gert með þeim fyrirvara að árangur náist á fundum ríkjanna.

Hins vegar hefur Reuters eftir írönskum miðli að Íranir hafi hvorki átt í neinum beinum samskiptum við Trump né í gegnum milligöngumenn. Utanríkisráðuneyti Írans hefur gefið út yfirlýsingu þar sem þeir segjast ekki hafa tekið þátt í neinum samningaviðræðum.

„Við afneitum því sem Donald Trump Bandaríkjaforseti hefur sagt varðandi samningaviðræður milli Bandaríkjanna og Íran,“ segir í yfirlýsingunni. 

Á laugardagskvöld hótaði Trump að Bandaríkjamenn myndu ráðast á írönsk orkuvinnviði ef þau myndi ekki opna fyrir umferð allra um Hormússundið. Íranir svöruðu fyrir sig og sögðust ætla að ráðast á orkuinnviði Ísraels og þau sem sjá bandarískum herstöðvum fyrir orku. 

Íranski miðillinn segir að Trump hafi ákveðið að gera hlé á árusunum eftir að hafa heyrt af hótun Írana. 

Ísraelar virðast ekki ætla að gera hlé en þeir gerðu árásir á Tehran, höfuðborg Írans fyrr í dag samkvæmt umfjöllun BBC. 

Fréttin var uppfærð með tilkynningu frá utanríkisráðuneyti Írana.