Bjarki í úrslitaeinvígið í Ung­verja­landi

Leik dagsins lauk með öruggum tólf marka útisigri Vezprém, 20-32 og með sigrinum er Vezprém nú með 42 stig á toppi deildarinnar og fimm stiga forskot á Pick Szeged sem Janus Daði Smárason spilar með. 

Pick Szeged hafði betur gegn Komló í dag, 37-28 og getur enn velt Vezprém úr sessi í toppsæti deildarinnar þó mikið þurfi að gerast til þess að það raungerist. 

Sigur Vezprém í dag sér hins vegar til þess að tölfræðilega séð getur liðið ekki endað neðar en í 2.sæti í ungversku deildinni að lokinni deildarkeppninni. Efstu tvö liðin að deildarkeppninni lokinni fara í úrslitaeinvígi um ungverska meistaratitilinn. 

Fimm umferðir eru eftir af deildarkeppninni í Ungverjalandi. Vezprém er enn ósigrað, hefur unnið alla leiki sína til þessa í ungversku deildinni.