Fjær að heiman en nokkur maður frá upp­hafi

Þegar klukkuna vantar sautján mínútur í miðnætti í nótt rofnar útvarpssamband við geimfarana og í þessar fjörutíu mínútur verða þeir einir með sjálfum sér í tómi alheimsins. Þeir munu því upplifa kyrrð sem fæst ekki á jörðu niðri og fáir menn hafa nokkurn tímann fundið fyrir.

Leiðangursforinginn Victor Glover sagðist vona, í samtali við breska ríkisútvarpið, að heimurinn nýtti tímann til að koma saman.

„Þegar við erum bakvið tunglið, án sambands við nokkurn mann, skulum við líta á það sem tækifæri. Biðjum, vonum og sendum hlýjar hugsanir um að við náum aftur sambandi við teymið,“ sagði hann áður en geimfarið tók á loft.

Í sambandsleysinu verður geimförunum fært að helga sig alla tunglinu. Samkvæmt umfjöllun breska ríkisútvarpsins verður tímanum varið í að taka myndir, gera athuganir og eflaust mæna á dýrð tunglsins. Þegar þeir koma loks undan skugga tunglsins dregur heimurinn andann léttar.

Hér að neðan má fylgjast með geimförunum um borð fara hringinn um tunglið.