Sjáðu hvernig City rúllaði yfir Chelsea og vand­ræði Spurs jukust

Staðan var markalaus í hálfleik í leik Chelsea og City í gær. Gestirnir kláruðu hins vegar leikinn með þremur mörkum á sautján mínútna kafla í seinni hálfleik. Nico O'Reilly, Marc Guéhi og Jérémy Doku skoruðu mörk City.

Roberto De Zerbi stýrði Tottenham í fyrsta sinn í gær. Hann fékk enga draumabyrjun því liðið tapaði 1-0 fyrir nýliðum Sunderland á Leikvangi ljóssins. 

Nordi Mukiele skoraði eina mark leiksins. Tottenham er í 18. sæti deildarinnar með þrjátíu stig, tveimur stigum frá öruggu sæti þegar sex umferðum er ólokið.

Jean-Philippe Mateta var hetja Crystal Palace gegn Newcastle United á Selhurst Park. William Osula kom gestunum yfir á 43. mínútu og þannig var staðan allt þar til sex mínútur voru til leiksloka. Þá jafnaði Mateta og hann skoraði svo sigurmark Palace, 2-1, af vítapunktinum í uppbótartíma.

Þá gerðu Nottingham Forest og Aston Villa 1-1 jafntefli á City Ground. Villa komst yfir með sjálfsmarki Murillos á 23. mínútu en Neco Williams jafnaði fyrir Forest sjö mínútum fyrir hálfleik.

Öll mörkin úr leikjum gærdagsins í ensku úrvalsdeildinni má sjá hér fyrir ofan.