„Það var mikil bar­átta og þeir geta al­veg slegist“

„Tilfinningin er mjög góð sæt og ég er ánægður með að hafa náð að klára þetta í þremur leikjum,“ sagði Þorgils eftir þriðja sigur Vals gegn KA í einvíginu.

Valsmenn virtust vel undirbúnir og mættu skipulagðir til leiks. Það var fátt sem fór úrskeiðis hjá liðinu sem gerði vel varnar og sóknarlega.

„Við vorum vel stemmdir fyrir leikinn. Við vorum góðir í vörn og náðum að spila okkar leik eins og við vildum hann.“

Það var mikið undir fyrir KA sem hefðu þurft sigur til þess að eiga eitthvern möguleika á að komast áfram. Þrátt fyrir að vera 2-0 yfir í einvíginu mættu Valsarar baráttuglaðir til leiks.

„Það var mikil barátta og þeir geta alveg slegist. Það er mjög gaman að spila á móti KA.“

Hvernig munu þið nýta þessa pásu?

„Við munum njóta kvöldsins í kvöld og svo fullur fókus á það sem kemur í framhaldinu.“