Cristiano Ronaldo ældi inn í klefa

„Ég var að íhuga að hafa hann ekki með; hann var ekki í góðu formi,“ sagði Jorge Jesus um Ronaldo eftir leikinn.

„Hann þjáðist af magaverkjum og almennri þreytutilfinningu og þegar ég skipti honum út af fór hann beint í búningsklefann og kastaði upp.“

Hinn 41 árs gamli Ronaldo skoraði ekki en átti þátt í sigurmarki Al Nassr. Langskot hans rétt eftir hálftíma leik var varið af Marek Rodák, markverði Al Ettifaq, en Kingsley Coman náði frákastinu og skoraði eina mark leiksins.

Ronaldo skaut einnig í stöngina og átti skot sem var bjargað á línu. Sigurinn á miðvikudag, sem var fimmtándi sigur félagsins í röð í sádi-arabísku úrvalsdeildinni og framlenging á félagsmeti, hélt Al Nassr áfram í harðri baráttu um fyrsta deildartitilinn frá tímabilinu 2018-19.

Al Nassr er með átta stiga forskot á næstu keppinauta, Al Hilal, sem eiga leik til góða.

„+3. Frábær orka úr stúkunni,“ skrifaði Ronaldo á samfélagsmiðlum eftir leikinn.

Ronaldo er með 24 deildarmörk og er í þriðja sæti á markalista sádi-arabísku úrvalsdeildarinnar, þremur mörkum á eftir enska framherjanum Ivan Toney hjá Al Ahli.

Portúgalska stjarnan hefur verið markahæstur í sádi-arabísku úrvalsdeildinni síðustu tvö tímabil.