Salah ekki sagt sitt síðasta hjá Liverpool

Liverpool greinir frá þessu á heimasíðu sinni og segir að reikna megi með því að Salah verði til taks aftur áður en að leiktíðinni ljúki.

Komið hafi í ljós að meiðslin sem leiddu til þess að Salah var skipt af velli í seinni hálfleik gegn Palace hafi verið minni háttar vöðvameiðsli.

Salah mun kveðja Liverpool í sumar en áður en að því kemur á liðið eftir að spila fjóra leiki í ensku úrvalsdeildinni. Næsti leikur er stórleikur við Manchester United á sunnudaginn, þar sem sigur kæmi Liverpool upp fyrir United í 3. sæti. Liverpool á svo einnig eftir leiki við Chelsea, Aston Villa og loks Brentford 24. maí.

Liverpool er sem stendur átta stigum fyrir ofan Brighton sem er í 6. sæti en ljóst er að hið minnsta fimm efstu lið deildarinnar komast í Meistaradeild Evrópu á næstu leiktíð.