Körfubolti

Stjörnu­fólk stendur í ströngu á sunnu­daginn

Aron Guðmundsson skrifar
Örvar Eggertsson og Hilmar Smári Henningsson, lykilmenn í karlaliðum Stjörnunnar í fótbolta og körfubolta.
Örvar Eggertsson og Hilmar Smári Henningsson, lykilmenn í karlaliðum Stjörnunnar í fótbolta og körfubolta. Vísir/Samsett

Það stefnir allt í afar spennandi sunnudag fyrir stuðningsfólk Stjörnunnar. Karlalið félagsins tekur á móti ÍA í Bestu deild karla og stuttu seinna getur Stjarnan tryggt sér sæti í úrslitaeinvígi Bónus deildarinnar í körfubolta.

Knattspyrnusamband Íslands staðfesti fyrr í dag að leikur Stjörnunnar og ÍA í Bestu deildinni, sem átti upphaflega að fara fram á Akranesi, myndi fara fram á Samsungvellinum í Garðabæ. 

Ástæðan sú að grasvöllur ÍA er ekki leikhæfur og mun leikur liðanna hefjast klukkan fjögur á sunnudaginn. 

Seinna um kvöldið í næsta húsi við Samsungvöllinn getur karlalið Stjörnunnar í körfubolta svo tryggt sér sæti í úrslitaeinvígi Bónus deildarinnar í körfubolta með sigri á Tindastól í einvígi liðanna.

Staðan í einvíginu stendur 2-1, Stjörnunni í vil, eftir þriðja leik liðanna í Síkinu í gær sem lauk með öruggum sigri Tindastóls. 

Bónus-deild karla Besta deild karla Stjarnan KR Íslenski boltinn

Mest lesið


Fleiri fréttir

Sjá meira


×

Mest lesið