Dag­skráin í dag: Stór­veldi mætast og slegist um titilinn

Sýn Sport

Tottenham og Leeds mætast í lokaleik 36. umferðar ensku úrvalsdeildarinnar klukkan 19 í kvöld, þar sem Tottenham þarf á stigum að halda í fallbaráttunni.

Sýn Sport Ísland

Úrslitaeinvígi Njarðvíkur og Hauka heldur áfram með slag í IceMar-höllinni og hefst vegleg, bein útsending klukkan 18:45. Leikurinn verður svo að sjálfsögðu gerður upp í Körfuboltakvöldi strax að leik loknum.

Sýn Sport 2-4

Boltinn rúllar áfram í Bestu deild kvenna og þar mætast stórveldin tvö, Breiðablik og Valur, klukkan 18. Síðar í kvöld tekur Fram á móti Víkingi og Þróttur mætir nýliðum Grindavíkur/Njarðvíkur sem hafa stimplað sig vel inn í deildina.

Sýn Sport Viaplay

Landsliðskonurnar Emilía Kiær Ásgeirsdóttir og Sandra María Jessen mætast í þýska boltanum klukkan 16 og því ekki ólíklegt að íslenskt mark líti dagsins ljós. Um kvöldið, eða klukkan 19, er svo leikur Millwall og Hull í umspili um sæti í ensku úrvalsdeildinni.

KKÍ TV 1

Breiðablik og Sindri halda áfram einvígi sínu um sæti í Bónus-deild karla í körfubolta, klukkan 19:15. Sindramenn eru 2-1 yfir og geta því með sigri komist upp í efstu deild í fyrsta sinn í sögunni.

Upplýsingar um allar beinar útsendingar Sýnar má finna hér.