Tottenham bjargaði sér og Liverpool tók eina lausa sætið

West Ham gerði sitt og vann góðan 3-0 sigur gegn Leeds en hafði tapað síðustu þremur leikjum í röð og endaði tveimur stigum á eftir Tottenham.

Tottenham vann Everton 1-0, með marki frá Joao Palhinha í lok fyrri hálfleiks, og hefði haldið sér uppi jafnvel þó að Everton næði að jafna. Aðeins ef Tottenham hefði tapað hefði West Ham haldið sér uppi en nú er ljóst að Hamrarnir fylgja Burnley og Wolves niður í B-deildina.

Liverpool í Meistaradeildina en ekki sjötta liðið

Liverpool tryggði sér endanlega sæti í Meistaradeild Evrópu með því að enda í 5. sæti, þrátt fyrir 1-1 jafntefli við Brentford þar sem Mohamed Salah lagði upp mark í kveðjuleik sínum og Andy Robertson, fyrir Curtis Jones.

Evrópudeildarmeistarar Aston Villa tryggðu sér 4. sæti með 2-1 útisigri gegn Manchester City í kveðjuleik Pep Guardiola, Bernardo Silva og John Stones, þar sem Ollie Watkins skoraði tvennu.

Evrópukvöld hjá Brighton og Sunderland

Bournemouth og Sunderland fara í Evrópudeildina sem liðin í 6. og 7. sæti en Sunderland kom sér þangað með frábærum 2-1 sigri gegn Chelsea í dag. Bournemouth hefði komist í Meistaradeildina ef Liverpool hefði náð 4. sætinu af Villa.

Brighton komst svo í umspil Sambandsdeildarinnar þrátt fyrir 3-0 tap á heimavelli gegn Manchester United þar sem Patrick Dorgu, Bryan Mbeumo og Bruno Fernandes skoruðu mörkin og Fernandes bætti mögulega stoðsendingametið á einni leiktíð í deildinni.

Bein textalýsing frá lokaumferðinni var hér að neðan.