Sjálf­stæðis­flokkur, Við­reisn og Sam­fylking mynda meiri­hluta í Hafnar­firði

Í kjölfarið hyggjast oddvitar undirrita sáttmálann og kynna efni hans á blaðamannafundi í Hamranesi. Þetta kemur fram í tilkynningu frá oddvitum flokkanna þriggja í Hafnarfirði. 

Á síðasta kjörtímabili mynduðu Sjálfstæðisflokkurinn og Framsóknarflokkurinn meirihluta í bæjarfélaginu. Samfylkingin missti tvo bæjarfulltrúa í kosningunum fyrir viku og bættu Framsókn og Viðreisn í stað þess við sig einum manni hvor. Miðflokkurinn fékk einnig mann inn í bæjarstjórn en Sjálfstæðisflokkurinn missti bæjarfulltrúa og fór úr fjórum í þrjá.

Meirihlutaviðræður í Hafnarfirði hafa verið viðburðarríkar síðustu daga en skömmu eftir kosningar ákváðu bæjarfulltrúar Sjálfstæðisflokksins að slíta viðræðum við Framsóknarflokkinn. Vísuðu þeir til meints alvarlegs trúnaðarbrests.

Oddvitar Sjálfstæðisflokksins, Viðreisnar og Samfylkingarinnar tilkynntu svo á laugardag að þeir hafi byrjað formlegar viðræður um meirihlutamyndun. 

Fréttin er í vinnslu.