Icelandair og flug­menn komnir í fjölmiðlabann

Til stóð að halda fund í deilu Icelandair og flugvirkja hjá embættinu í dag en honum var frestað vegna veikinda. Ekki hefur enn verið boðað til nýs fundar. Þetta segir Ástráður Haraldsson ríkissáttasemjari í samtali við Vísi.

„Við erum bara að vinna að því að reyna að halda samtalinu lifandi og vinna þetta áfram með skipulögðum hætti en það er óbreytt staða.“

Óskað hafi verið eftir því að fulltrúar Icelandair og FÍA tjái sig ekki við fjölmiðla „umfram það sem nauðsynlegt er“.

Aukin harka hefur færst í samskipti Icelandair og flugmanna síðustu vikur en flugfélagið hefur sakað félagsmenn FÍA um að stunda óformlegar aðgerðir. Nokkur fjöldi flugferða hefur verið felldur niður hjá Icelandair síðustu vikur vegna manneklu hjá flugmönnum. 

Formaður FÍA hefur hafnað því að um skipulagðar aðgerðir sé að ræða og sagt þetta afleiðingu slæmrar mönnunar eða ófullnægjandi álagsprófunar flugáætlunar. Forsvarsmenn Icelandair vísa þessu á bug og segja að flugmenn hafi skyndilega hætt að selja frídaga sína. Grunur sé um samstilltar aðgerðir.

Fréttin er í vinnslu.