Liðs­stjóri Ferrari á spítala

Hinn 58 ára gamli Vasseur var við brautina í Mónakó gær þegar Ferrari náði fyrsta og öðru sæti á báðum æfingum.

Ferrari bílstjórarnir, Charles Leclerc og Lewis Hamilton, þykja því líklegastir til að ná efstu sætunum í tímatökunni síðar í dag, en munu þurfa að gera það án hjálpar Vasseur.

Vasseur var lagður inn á spítala í nótt og er undir eftirliti. Engar frekari upplýsingar verða gefnar um ástand hans, samkvæmt tilkynningu Ferrari.

Ferrari hefur ekki fagnað sigri í Formúlu 1 síðan í október 2024 og Lewis Hamilton er enn í leit að sínum fyrsta sigri í rauða bílnum.

Tímatakan fyrir Formúlu 1 kappaksturinn í Mónakó verður í beinni útsendingu á Sýn Sport Viaplay klukkan 13:55.