HM-dómara neitað um inn­göngu í Banda­ríkin

Erlendir fjölmiðlar segja frá því að Artan hafi komið til Bandaríkjanna á mánudag en hafi þurft að snúa við í vegabréfaeftirlitinu.

Artan var valinn besti afríski dómarinn af afríska knattspyrnusambandinu árið 2025.

„Að neita honum um landvistarleyfi í Bandaríkjunum og koma í veg fyrir að hann dæmi áætlaða leiki skaðar ekki aðeins hann persónulega, heldur grefur það einnig undan skuldbindingu fótboltans til réttlætis og sanngirni,“ segir Ciise Aden Abshir við AFP-fréttastofuna.

Abshir starfar í íþróttamálaráðuneyti Sómalíu og er fyrrverandi fyrirliði landsliðsins.

Ef Artan fær að koma inn í Bandaríkin verður hann fyrsti sómalski dómarinn á HM í fótbolta frá upphafi.

Sómalía er meðal þeirra landa þar sem Bandaríkin hafa strangar reglur um landvistarleyfi.