AC Milan kaupir Ramos fyrir met­fé

The Athletic sagði fyrst frá þessu en Ramos verður dýrasti leikmaður AC Milan og slær met landa síns Rafael Leão sem var 50 milljónir evra. Kaupverðið verður mun hærra en það með viðbótargreiðslum.

Ramos verður fyrsti leikmaðurinn sem Ruben Amorim kaupir eftir að hafa snúið aftur í þjálfun, en vilji leikmannsins til að spila fyrir fyrrverandi stjóra Manchester United var lykilatriði í samningaviðræðunum.

Framherjinn er sagður hafa staðist læknisskoðun á meðan hann var á heimsmeistaramótinu með Portúgal.

Hann verður dýrasti leikmaðurinn sem keyptur er í Serie A síðan Inter Milan keypti Romelu Lukaku frá Man Utd fyrir 74 milljónir evra.