Segir engan Frakka vera í franska lands­liðinu

Spánn mætir Frakklandi í undanúrslitum heimsmeistaramótsins í fótbolta og er mikil spenna fyrir leiknum. Franska landsliðið hefur þurft að sæta kynþáttahatri en þingmaður í Paragvæ skrifaði rasísk ummæli um Kylian Mbappe, fyrirliða franska landsliðisins.

Nú er franska liðið að lenda í svipaðri stöðu þar sem Mariano Rajoy skrifaði í spænsku dagblaði að það væri enginn Frakki í franska landsliðinu.

Pedro Sanchez, núverandi forsætisráðherra Spánar, tekur upp hanskann fyrir Frakkland og gagnrýnir ummæli Rajoy.

„Það eru einhverjir sem skilgreina hvaðan fólk kemur út frá eftirnafni, fæðingarstað eða húðlit. Aðrir skilgreina hvaðan fólk kemur út frá því hvaða landi fólk er tilbúið að leggja sitt af mörkum til að bæta.“

Ummæli Rajoy hafa líka fengið gagnrýni í Frakklandi þar sem Laurent Nunez, innanríkisráðherra Frakklands, sagði við franska miðla að Frakkland væri land sem einkenndist af fjölbreytileika þar sem allir geta fundið sinn stað og blómstrað.