Er ekki bjart­sýnn fyrir fram­tíð Newcastle

Newcastle tilkynnti í dag að Eddie Howe myndi ekki þjálfa liðið lengur. Hann hefur náð frábærum árangri með liðinu og vann Carabao-bikarinn árið 2025 sem var fyrsti bikar Newcastle í 70 ár. Ekki er búið að tilkynna hvaða þjálfari mun taka við honum hjá Newcastle.

Í pistli sem Alan Shearer skrifaði fyrir BBC furðar hann sig á tímasetningu á þjálfaraskiptunum. Aðeins eru þrjár vikur þangað til enska úrvalsdeildin byrjar aftur og mun þá nýr þjálfari hafa lítinn tíma til að hafa sín áhrif á hópinn.

Fyrir ári fór stjörnuleikmaður Newcastle, Alexander Isak, til Liverpool en félaginu þótti erfitt að finna leikmann í hans stað. Svo í sumar hafa Anthony Gordon og Sandro Tonali farið frá félaginu. Sömuleiðis er Bruno Guimares orðaður við Arsenal.

Að missa þjálfarann ofan á að missa alla mikilvægu leikmennina mun hafa gríðarleg áhrif á gengi félagsins á komandi tímabili. Liðið getur ekki verið á toppi deildarinnar ef það selur alla sína bestu leikmenn. Félagið er einfaldlega að breytast. Nýir eigendur og stjórnendur lofuðu frábæru gengi og voru tilbúnir að eyða himinháum fjárhæðum í leikmenn en nú virðast áherslurnar vera aðrar.