Ís­lendingur og út­lendingur í gæslu­varð­hald vegna mannsláts í Kópa­vogi

Annar mannanna var úrskurðaður í gæsluvarðhald til 21. ágúst, en hinn til 17. ágúst. Annar þeirra er íslenskur, en hinn er erlendur ríkisborgari.

Lögreglan greinir frá þessu í tilkynningu.

Lögreglan á höfuðborgarsvæðinu hefur varist allra fregna af rannsókn á meintu manndrápi sem mun hafa verið framið í heimahúsi á Kársnesi í Kópavogi í gær, sunnudag. 

Nokkrir hafa verið handteknir vegna málsins, að sögn lögreglu. Nákvæmur fjöldi liggur ekki fyrir. 

Um þrjúleytið síðdegis í gær barst lögreglu tilkynning um líkamsárás í heimahúsi við Vallargerði í Kópavogi. Skömmu síðar var einn handtekinn vegna málsins.

Fréttin verður uppfærð.