Ís­lensku strákarnir byrjuðu á bekknum þegar AGF stein­lá í Aserbaísjan

AGF vann fyrri leikinn 2-1 á heimavelli sínum í síðustu viku en tapaði 4-0 á móti Sabah FK í kvöld. Aserarnir unnu því 5-2 samanlagt.

Báðir íslensku leikmenn liðsins, Mikael Neville Anderson og Tómas Kristjánsson, byrjuðu á bekknum í kvöld.

Mikael kom inn á sem varamaður á 65. mínútu þegar Sabah FK var komið í 1-0 en staðan var jöfn samanlagt. Tómas fékk ekki að spila.

Leikmenn Sabah komust í 2-0 tveimur mínútum síðar og bættu svo við þriðja marki sínu á 79. mínútu. Fjórða markið kom undir lokin og úrslitin löngu ráðin.

AGF fer nú í umspil Evrópudeildarinnar þar sem liðið mætir sigurvegaranum úr einvígi Benfica og Heart of Midlothian en það er nánast öruggt að það verði portúgalska félagið eftir 6-1 sigur í fyrri leiknum.