Bætti heims­metið í hálfmaraþoni um tæp­lega hálfa mínútu

Kejelcha bætti því heimsmetið, sem Kiplimo setti í mars síðastliðnum, um heilar 29 sekúndur.

Vert er þó að taka fram að Kiplimo hefur hlaupið hálft maraþon á 56:42 en tími hans í Barcelona fékk ekki að standa.

Kejelcha hefur komið sér aftur á toppinn í hálfmaraþoni en hann á líka næsthraðasta tíma sögunnar í heilu maraþoni.

Í apríl á síðasta ári varð Kejelcha annar maður sögunnar til að hlaupa heilt maraþon á undir tveimur tímum, þegar hann kom í mark á 1:59:41, ellefu sekúndum á eftir heimsmethafanum Sebastian Sawe sem fór yfir marklínuna á 1:59:30.

Til samanburðar við heimsmetið 56:51 sem Kejelcha setti í hálfmaraþoni í dag má nefna að sigurvegari hálfmaraþonsins í Reykjavíkurmaraþoninu í gær, Liam Tilton, var rúmum tíu mínútum lengur (1:07:50) að hlaupa vegalengdina.