Campbell skoraði í góðum sigri ný­liðanna

Það mætti segja að Leverkusen hafi fengið blauta tusku í andlitið strax í byrjun leiks. Lukas Petkov kom Elversberg í forystu strax á áttundu mínútu og í næstu sókn náði Íslendingurinn William Cole Campbell að tvöfalda forystu Elversberg.

Eftir þessa erfiðu byrjun byrjaði Leverkusen aðeins að sækja í sig veðrið en átti erfitt með að bæta við marki. Snemma í seinni hálfleik náði David Mokwa að skora þriðja mark Elversberg og staðan orðin var 3-0.

Loks á 77. mínútu náði Patrik Schick að minnka muninn fyrir Leverkusen og stig var allt í einu orðið möguleiki fyrir liðið. Christian Kofane bætti svo við öðru marki í uppbótartíma en það reyndist vera of lítið of seint og endaði leikurinn með 3-2 sigri Elversberg.

Frábær byrjun fyrir nýliðana og sömuleiðis William Cole Campbell í sínum fyrsta keppnisleik fyrir Elversberg.