Barcola kominn til Liverpool

Liverpool borgar PSG 106 milljónir punda fyrir franska sóknartengiliðinn. Það jafngildir 17 og hálfum milljarði íslenskra króna.

Þá gætu bæst um 17 milljónir punda við þá fjárhæð í árangurstengdum greiðslum.

Skiptanna hefur verið beðið um hríð en Liverpool og PSG hafa átt í viðræðum um Barcola stærstan hluta sumars. Hinn 23 ára gamli Barcola skrifar undir fimm ára samning í Bítlaborginni.

Hann er þriðji dýrasti leikmaður í sögu félagsins á eftir Alexander Isak og Florian Wirtz. Hann er fjórði leikmaðurinn sem Liverpool kaupir á eftir Victor Munoz, Jeremy Jacquet og Ronald Araujo, sem er á láni frá Barcelona.

Barcola mun spila í treyju númer 29 hjá Liverpool og getur spilað sinn fyrsta leik er Liverpool sækir Ipswich Town heim á Portman Road á föstudagskvöldið kemur.