Dómsmál

Dómsmál

Fréttir af málum sem rata fyrir dómstóla.

Fréttamynd

Á­kærður fyrir að nauðga sau­tján ára stúlku en neitar sök

Bandaríski áhrifavaldurinn Braden Eric Peters, sem er betur þekktur undir nafninu Clavicular, hefur neitað sök vegna ákæru um refsiverð brot, þar á meðal nauðgun. Er hann helst þekktur fyrir að breiða út hugmyndina um að „looksmaxx-a“ sem gengur út á að líta sem best út sama hvað og eftir öllum mögulegum leiðum, jafnvel með skaðlegum aðferðum.

Erlent
Fréttamynd

Ítalski baróninn á ekki vatnið

Landsréttur hefur staðfest dóm Héraðsdóms Vestfjarða um að vatnsnýtingarréttindi á landi Engjaness í Eyvindarfirði á Ströndum séu í eigu ríkisins. Baróninn hafði samið við orkufyrirtæki um afnot réttindanna vegna fyrirhugaðrar Hvalárvirkjunar.

Innlent
Fréttamynd

Til­kynning um kæru ó­skýr og Bandero fer ekki fet

Tilkynning lögmanns eigenda skipsins Bandero til sýslumanns um fyrirhugaða kæru til héraðsdóms vegna ákvörðunar sýslumanns, um að verða ekki við endurupptökubeiðni vegna kyrrsetningar skipsins, var of óskýr og því var kærumálinu vísað frá dómi.

Innlent
Fréttamynd

Nauðgaði fatlaðri konu og gripinn í Leifs­stöð

Erlendur karlmaður hefur verið úrskurðaður í gæsluvarðhald þar sem talið er að hann myndi ella reyna að koma sér undan réttvísinni. Hann var ákærður í fyrra fyrir að hafa nauðgað andlega fatlaðri konu árið 2022 en eftir útgáfu ákæru fannst hann hvergi, þangað til að hann var gripinn í Leifsstöð á sunnudaginn. Hann hefur þegar játað nauðgunina og borið fyrir sig að hafa misst rökhugsun og ekki getað hætt samræði við konuna þrátt fyrir að hún biði hann um það.

Innlent
Fréttamynd

Seðla­bankinn lagði Þor­stein Má

Seðlabanki Íslands hefur verið sýknaður af öllum kröfum Þorsteins Más Baldvinssonar, fyrrverandi forstjóra og stærsta eiganda Samherja. Hann krafðist miskabóta úr hendi Seðlabankans vegna meintrar ólögmætrar meðferðar persónuupplýsinga um hann, sem aflað var með húsleit árið 2012.

Innlent
Fréttamynd

Skuldar þrota­búi föður síns hundruð milljóna króna til

Félag í eigu Jóns Hilmars Karlssonar, sonar Karls Emils Wernerssonar, hefur verið dæmt til að greiða tortólsku félagi í eigu þrotabús Karls Emils um 340 milljónir króna auk dráttarvaxta allt aftur til ársins 2018. Jón Hilmar hefur áður verið dæmdur til að greiða þrotabúinu fleiri milljarða króna.

Viðskipti innlent
Fréttamynd

Sláandi hversu margir telji of­beldi hluta af kyn­lífi

Mun algengara er að yngri konur en eldri séu beittar kyrkingartaki í kynlífi án samþykkis og kennari segir sláandi hversu útbreidd sú skoðun sé orðin að ofbeldi sé eðlilegur fylgifiskur kynlífs. Nauðsynlegt sé að bregðast við með fræðslu.

Innlent
Fréttamynd

Klæmdist ó­vart við fjór­tán ára og var sýknaður

Karlmaður hefur verið sýknaður af ákæru fyrir kynferðisbrot gegn fjórtán ára stúlku, með því að hafa ítrekað sent henni kynferðisleg skilaboð og mælt sér mót við hana í því skyni að hafa við hana samræði eða önnur kynferðismök. Dómurinn taldi ekki sannað að maðurinn hafi vitað að um barn væri að ræða. 

Innlent
Fréttamynd

Hafi nauðgað með­vitundar­lausri sambýliskonunni

Karlmaður hefur verið ákærður fyrir að hafa nauðgað þáverandi sambýliskonu sinni á heimili þeirra í janúar árið 2022, með því að hafa samræði við hana á meðan hún var meðvitundarlaus. Þá er hann sagður hafa útbúið myndskeið af nauðguninni.

Innlent
Fréttamynd

Telur allt ógirt land tekið eignar­námi með dómi

Eigandi jarðarinnar Óseyrar við Stöðvarfjörð segir allt ógirt land á Íslandi virðast hafa verið tekið einhvers konar eignarnámi með dómi í máli hans gegn Fjarðabyggð. Dómstóll taldi sveitarfélagið ekki hafa skyldu til að smala ágangsfé af jörðinni því féð hefði komið úr sameiginlegum bithaga.

Innlent
Fréttamynd

Ekki til­raun til mann­dráps að taka sam­býlis­konuna kverka­taki

Karlmaður hefur verið dæmdur til 3,5 ára fangelsisvistar fyrir gróft ofbeldi í garð sambýliskonu sinnar. Hann var ákærður fyrir tilraun til manndráps með því að hafa tekið konuna kyrkingartaki en dómurinn taldi ekki sannað að hann hefði haft ásetning til þess að myrða konuna. Hann hefur áður hlotið dóm fyrir ofbeldi í garð konunnar og einnig fyrir að nauðga barni.

Innlent
Fréttamynd

Dómurinn feli í sér til­mæli til þingsins

Nítján lögmenn sem starfa á sviði skaðabótaréttar segja að nýlegur dómur Hæstaréttar feli í sér tilmæli til Alþingis um að uppfæra þurfi skaðabótalög og færa þau til nútímans. Boltinn sé hjá dómsmálaráðherra.

Innlent
Fréttamynd

Fleiri for­eldrar sem störfuðu í EES geti átt rétt á skaða­bótum

Félags- og húsnæðismálaráðuneytið og Vinnumálastofnun vekja athygli á því að foreldrar sem fóru í fæðingarorlof 2022 til 2025 og störfuðu í öðru EES-ríki geti átt rétt á skaðabótum. Tilefni tilkynningar er dómur Hæstaréttar frá því í september þar sem ríkinu var gert að greiða íslenskum lækni skaðabætur vegna rangrar innleiðingar á reglum EES-samningsins í tengslum við greiðslur úr Fæðingarorlofssjóði.

Innlent
Fréttamynd

Hefur beðið í fjögur ár eftir að frændinn afpláni dóm sinn

„Ég er reið. Ég er sár. Og ég er búin að fá nóg af því að þolendur þurfi sífellt að berjast á meðan gerendur virðast geta haldið áfram með líf sitt. Þetta snýst ekki bara um mig. Þetta snýst um öll þau börn sem hafa verið svipt öryggi sínu, sakleysi og æsku,“ segir Sigríður Sæunn Óskarsdóttir.

Lífið
Fréttamynd

Bætur fyrir lög­reglu­að­gerðir lítið kynntar

Á Íslandi er sterkur réttur til skaðabóta ef saklaus maður er handtekinn eða beittur öðrum lögregluaðgerðum. Nánar tiltekið á maður almennt séð rétt á skaðabótum frá íslenska ríkinu ef maður er beittur t.d. handtöku, líkamsleit, líkamsrannsókn, húsleit, leit í bíl eða símhlustun, en lögreglumálið síðan fellt niður eða maður sýknaður, og ekki er sýnt fram á að maður hafi sjálfur valdið aðgerðinni.

Skoðun
Fréttamynd

Faðir tveggja nem­enda í skólanum sá sem skaut á­rásar­manninn

Tvö fórnarlamba árásarmanns sem skaut þrjú börn og einn kennara til bana í Oregonríki í Bandaríkjunum í vikunni hafa verið nafngreind. Árásarmaðurinn var hinn sextán ára gamli Griffin J. John II og nú hefur verið greint frá því að hann sé fyrrverandi nemandi í skólanum sem er fyrir börn frá leikskólaaldri og upp í fimmta bekk sem eru með sérþarfir . 

Erlent
Fréttamynd

Allt virðist mega ef BDSM-orðið er notað

Landsréttur hefur snúið við dómi héraðsdóms og sýknað mann af ákæru fyrir nauðgun. Konan hlaut margþætta áverka á borð við beinbrot. Talskona Stígamóta kallar eftir endurmenntun í Landsrétti og segir dóminn ótrúleg skilaboð út í samfélagið. Allt virðist mega ef rætt sé um BDSM.

Innlent
Fréttamynd

Sjö ára dómur

Sævar Hilmarsson og Kastriot Pepaj voru báðir dæmdir til sjö ára fangelsisvistar fyrir aðild sína að Dettifossmálinu svokallaða. Skipverjarnir tveir sem komu að málinu fengu báðir fimm ára dóm. 

Innlent
Fréttamynd

Gróft kyn­líf en ekki nauðgun sam­kvæmt klofnum Lands­rétti

Karlmaður á fertugsaldri hefur verið sýknaður af nauðgun í Landsrétti. Hann hafði áður verið dæmdur í fimm ára fangelsi í Héraðsdómi Reykjavíkur fyrir að hafa haft önnur kynferðismök en samræði við konu án samþykkis hennar. Tveir af þremur dómurum töldu ekki nægilega sannað að maðurinn hefði haft þann ásetning sem þurfi til sakfellingar fyrir nauðgun en sá þriðji vildi staðfesta fangelsisdóm úr héraði. Athygli vekur að tveir karlar vildu sýkna en eina konan sakfella. Maðurinn hefur áður verið dæmdur fyrir nauðgun.

Innlent
Fréttamynd

Sögu­legur dómur fyrir náms­menn í Hæsta­rétti

Tryggingafélagið Vörður þarf að greiða konu á þrítugsaldri tæpar 6,75 milljónir króna vegna varanlegrar örorku eftir umferðarslys. Tveir dómarar skiluðu sératkvæði og töldu að ekki hefði verið sýnt fram á að konan væri komin nógu langt í námi til að miðað yrði við laun tanntækna í dag í stað lágmarkslauna við útreikning bóta. Athygli vekur að samkvæmt gildandi skaðabótalögum er miðað við lágmarkslaun eins og þau voru árið 1999.

Innlent
Fréttamynd

Með gaddakúlu og sprautunálakylfu

Akureyringur á fertugsaldri hefur verið ákærður fyrir sérstaklega hættulega líkamsárás, vopnalagabrot, þjófnað og fleira. Við húsleit heima hjá manninum fannst gaddakúla í bandi og kylfa með álímdum sprautunálum. 

Innlent

Mest lesið