Akstursíþróttir

Opin mótorkross æfing á morgun

Á morgun, laugardaginn 3. febrúar verður Nítró með opna motocross æfingu. Farið verður í allar helstu grunnæfingarnar, t.d. beygjur, stört, þvottabretti, stökk ofl. Æfingarnar eru opnar öllum og það kostar ekkert að taka þátt.

Var eldsneytið ólöglegt ?

Það virðist sem eldsneytið sem Nick Way ásamnt þeim Joshua Hill og Jason Thomas hafi kannski ekki verið ólöglegt. Yamaha heldur því fram að niðurstöður úr rannsóknum sem AMA gerir séu ekki sannfærandi.

Kyle Chisholm í ökla aðgerð

Kawasaki ökumaðurinn Kyle Chisholm undirgekkst aðgerð á hægri ökkla eftir slæma byltu á æfingum fyrir supercrossið í Phoenix. Kyle er nú með stál plötu og átta skrúfur í ökklanum og má hann ekki stíga í fótinn næstu 8 vikurnar.

Fyrsta umferð í Snocross að hefjast

Nú um helgina hefst fyrsta umferð í Snocrossi á Húsavík. Von er á fjölda keppenda þar sem sportið fer sí stækkandi með hverju árinu sem líður. Alexenader Kárason eða Lexi eins og hann er kallaður af sleðamönnum hefur haldið sportinu vel uppi með virkri heimasíðu og á snocrossið það honum að þakka að sportið er orðið það sem það er í dag

1200 hestafla mótorhjól

Fyrrum ofurtrukkabílstjórinn Nick Argyle hætti nýlega í "monster truck" bransanum og seldi bílinn sinn. Einhverjar leifar voru þó eftir af bílnum hans og þar á meðal vélin. Karlinn tók sig til og smíðaði eitt stykki mótorhjól, 1200 hestöfl.

Tucker Hibbert vinnur í X-Games

Arctic Cat ökumaðurinn og undrið Tucker Hibbert kom sá og sigraði í X-Games á laugardaginn. Liðstjóri og viðgerðamenn hans tóku þó mikla áhættu með bensínið hjá kappanum,því þegar Tucker tók köflótta flaggið varð hann bensínlaus.

Þrír með ólöglegt bensín í Anaheim.

Nick Way ásamnt þeim Joshua Hill og Jason Thomas voru teknir með ólöglegt bensín í þriðju umferð AMA supercross í Anaheim nú á dögunum. Eldsneyti var tekið til athugunar úr níu hjólum og reyndust þessi þrjú hjól vera með eldsneyti sem ekki leyfist AMA supercrossinu. Þeim hefur því verið refsað með því að taka af þeim stigin sem þeir fengu ásamnt því að fá sekt fyrir athæfið.

Supercross í kvöld

Sýnt verður frá supercrosskeppninni sem fram fór í Anaheim síðustu helgi á Sýn í kvöld kl. 21:30. Sýnt verður frá keppninni í mótorhjólaversluninni Nítró á slaginu 21:30.

Asterisk með nýjar spelkur

Hnéspelkuframleiðandinn Asterisk frumsýndi á dögunum 2007 línuna af Asterisk hnéspelkunum. Spelkurnar eru nánast þær sömu og 2006 nema að nýjar festingar og teygjur eru komnar á bakhlið spelknanna.

Anaheim II úrslit

Nú þegar Ricky Carmichael er ekki lengur með í stigabaráttunni í supercrossinu þá er má segja að James Stewart hafi engan til að leika við. Yfirburðir Stewarts eru það miklir að fyrsta sætið er eiginlega upptekið sem eftir er af tímabilinu.

Stefan Everts þjálfar KTM á spáni

Stefan Everts sem hefur lagt krossskóna á hilluna og þjálfar nú Redbull / KTM liðið á spáni. Everts sem er hefur orðið tíu sinnum Evrópumeistari í motocross hefur tekið við sem liðstjóri Redbull / KTM og þjálfar liðið nú stíft í motocross skóla Everts norður af Valencia.

Snjóflóðanámskeið

LÍV-Reykjavík og Motormax standa fyrir verklegu námskeiði í snjóflóðaleit nk. miðvikudagskvöld 24.jan í Bláfjöllum / Framskálanum. Farið verður yfir helstu atriði í noktkun snjóflóðaýla og snjóflóðastanga við leit í snjóflóði. Námskeiðið er öllum opið og er ókeypis. Munið að koma með snjóflóðaýlu, snjóflóðastöng og skóflu. Aukabúnaður verður til staðar á staðnum fyrir þá sem ekki eiga, en eru menn hvattir til að kaupa slíkan búnað.

Kawasaki kemur með 450cc endurohjól

Kawasaki hefur kynnt nýtt enduro hjól sem er væntanlegt til landsins í apríl 2007. Þetta hjól er nánast það sama og Kawasaki kxf450 nema þetta er enduro. Það er ekkert sparað í þessari hönnun og er hjólið glæsilegt í alla staði. Miklar líkur eru á því að hjólið muni fá götuskráningu en það mun skýrast innan tíðar.

Vélhjól reka á fjörur í Englandi

Fólk hefur flykkst á strendur í Branscombe í Englandi í dag og hefur farið þar um ruplandi því sem rekið hefur í land frá flutningaskipinu MSC Napoli, sem strandaði við Englandsstrendur í síðustu viku. Meðal þess sem fólk hefur haft á brott með sér eru BMW-vélhjól.

Stutt gaman hjá Pourcel

Frakkinn Ungi og efnilegi Christophe Pourcel sem tók sinn fyrsta sigur í Phoenix nú á dögunum er farinn aftur heim til Frakklands. Pourcel, sem hefur verið að keppa í minni flokknum "Lites" og hefur verið að sýna svakalega flottan akstur, meiddist við æfingar og brákaði fót og hönd.

Supercrossið í beinni.

Ísakstursæfingar á Hvaleyrarvatni

Íslenskir mótorhjólamenn hafa undanfarið verið að æfa ískross á Hvaleyrarvatni fyrir ofan Hafnafjörð. Þetta er góð viðbót í sportið þar sem ekki er hægt að keyra mikið enduro eða motocross á veturna. Svo virðist sem sportið og útivistarfólk fari vel saman, en Hvaleyrarvatn er mikið notað sem útivistarsvæði fyrir göngu- og hlaupafólk.

Ricky Carmichael yfirgefur supercrossið

Einn af betri supercrossmönnum allra tíma Ricky Carmichael hefur gefið það út að hann sé hættur að keppa í supercross. Í byrjun keppnistímabilsins tilkynnti Ricky að hann væri að fara út í Nascar kappaksturinn og ætlaði því að hætta að keppa í supercrossi.

Viðhaldsnámskeið fyrir stelpur

Mótorhjólaverslunin Nítró sem hefur lengi verið þekkt fyrir að vera frumkvöðull í stelpumálum tengdum sportinu hefur ákveðið að halda námskeið í viðhaldi torfæruhjóla fyrir stelpur á öllum aldri. Á námskeiðinu verður kennt allt það helsta um viðhald á torfæruhjólum, s.s. loftsíuskipti, olíuskipti, kertaskipti o.mfl.

ÍSÍ & FIM aðild

24. nóvember 2006 var Mótorhjóla & Snjósleðasamband Íslands formlega stofnað og tekið inn í ÍSÍ sem sérsamband fyrir þessar keppnisgreinar. Sama dag var Mótorsportsambandi Íslands formlega slitið en það var stofnað í janúar árið 2000 til þess að fara með keppnismál mótorhjóla og snjósleða ásamt því að vinna að stofnun sérsambands innan ÍSÍ og aðildar að FIM alþjóða keppnissamtökunum. Þessum áfanga hefur nú loksins verið náð og teljast þessar íþróttagreinar nú undir þessum samböndum.

Skráning opin í Red Bull Romaniacs

Skráning er hafin í eina erfiðustu endurokeppni í heimi Red Bull romaniacs. Keppnin er haldin árlega og er mjög vinsæl. Það er ekkert grín að keppa í henni þar sem þú lendir í því að keyra yfir steina á stærð við hjólið þitt, fara upp snarbrattar og grýttar brekkur og stökkva niður úr blokkaríbúð. Þessi keppni reynir mjög mikið á keppendur bæði andlega og líkamlega.

Kawasaki / Pro circuit tók þrjú efstu sætin í Phoenix

Kawasaki / Pro Circuit "lites" liðið er vel mannað þetta árið. Það sannaðist um helgina þegar liðið skellti sér í þrjú efstu sætin í minni flokknum í Supercross keppninni í Phoenix. Þetta hefur ekki gerst áður fyrir Team Kawasaki og eru menn því mjög sáttir í þeim herbúðum.

David Vuillemin óskaddaður eftir slæma byltu í Pheonix

Frakkinn og MDK/Honda liðsmaðurinn David Vuillemin átti feikna byltu í Pheonix nú um helgina þegar keppt var í AMA Supercross. Keppnin var stöðvuð eftir tvo hringi og var óttast að David væri stórslasaður. Betur fór en á horfðist og kom í ljós við nánari skoðun á næsta sjúkrahúsi að allt var óbrotið og hann var aðeins blár og marinn.

Nýir Motocrossskór frá Scott

Scott hefur verið til frá árinu 1958 og eru þeir best þekktir í mótorhjólaheiminum fyrir að vera fyrstir til að búa til sérstök motocross gleraugu. Þeir komu einnig með motocrossskóna upp úr '70, en síðan þá hafa Scott ekki verið nógu duglegir með að framleiða og hanna skó, en nú er að koma smá von í menn eftir að Scott tilkynnti nýja línu af motocrossskóm núna um daginn.

Grant Langston missir af næstu umferðum í Supercross

Suður-Afríkubúinn Grant Langston sem nýlega skipti yfir til Yamaha mun missa af næstu fjórum til sex umferðum eftir slæma byltu í æfingabúðum liðsins.

Snjókross á Skjá Einum í vetur

Mótorsport verslunin Mótormax, sem er afurð sameiningar Gísla Jónssonar (Ski-doo umboðið) og Yamaha umboðs P.Samúelssonar, stendur í viðræðum við Skjá Einn um kostun og sýningu á öllum mótum Snjókross í vetur. Um er að ræða allt að 10 þátta seríu af fjórum Íslandsmótum og einu bikarmóti.

Beltabúnaður fyrir torfæruhjól á markað

Verslunin Nitro hefur hafið innflutning á beltabúnaði fyrir torfæruhjól. Búnaðinn má koma fyrir á flestum tegundum torfæruhjóla og gagnast í snjó, sandi og hverskonar torfærum jarðvegi. Hægt er að fá nagla í beltið og skíði á framdekkið og breyta þannig hjólinu í snjósleða!

Dusty Klatt ekki brotinn

"Þetta lítur betur út en á horfðist" segir Dusty Klatt um byltuna sem hann átti í annari umferð í minni flokknum í Anaheim síðastliðina helgi. Dusty Klatt sem var gríðarlega sterkur í tímatökum og átti eina hröðustu hringina datt þegar þegar hann var í svokölluðum þvottabretta-kafla.

Gylfi Freyr í axlaraðgerð

Gylfi Freyr Guðmundsson, núverandi Íslandsmeistari í Mótorkrossi, gekkst nýverið undir aðgerð á öxl, en Gylfi átti við þrálát meiðsl að stríða undir lok síðasta keppnistímabils. Aðgerðin heppnaðist vel og reiknar Gylfi með að geta beitt sér að fullu í sumar.

Ragnar Ingi áfram hjá KTM

Ragnar Ingi Stefánsson, nífaldur Íslandsmeistari í Mótorkrossi, mun keppa fyrir KTM í sumar. Ragnar ók KTM 525 keppnishjóli s.l. sumar og átti ágætt tímabil en reiknar með því að aka nýrri týpu, KTM 505 í sumar en það er útboruð keppnisútgáfa af hinu vinsæla 450 hjóli frá KTM.